Buyurtmachi: “Hududgazta’minot” AJ.

Buyurtmachi mazkur e’longa ilova qilinadigan Texnik topshiriq loyihasi (TT) asosida ISSB (IFRS S1 va IFRS S2) standartlari talablariga muvofiq barqaror rivojlanish hisobotini tayyorlash bo‘yicha xizmatlar ko‘rsatish uchun konsalting tashkilotlari va mustaqil ekspertlarni tanlovda ishtirok etishga taklif etadi.

1. Xizmatlar hajmi va mavzusi

Xizmatlar TT loyihasiga muvofiq ko‘rsatiladi hamda quyidagi asosiy yo‘nalishlarni o‘z ichiga oladi:

• Kompaniya uchun qo‘llaniladigan SASB standartlari asosida 2025-yil hisobotini tayyorlash;
• Ikkiyoqlama muhimlik (double materiality) baholash;
• Kompaniyaning ESG amaliyotlari bo‘yicha kompleks fit-gap tahlilini o‘tkazish;
• Barqaror rivojlanish sohasidagi moliyaviy xatarlar va imkoniyatlarni baholash;
• Axborot yig‘ish va ko‘rsatkichlarni hisoblash sifati baholash;
• ISSB va SASB standartlari asosida 2026-yil hisobotini tayyorlashda ko‘maklashish.

Natijalar, muddatlar va ishlar tarkibiga qo‘yiladigan batafsil talablar TT loyihasida bayon etilgan.

2. Tijorat taklifiga qo‘yiladigan talablar

Tijorat taklifi kamida quyidagilarni o‘z ichiga olishi lozim:

• xizmatlarning umumiy qiymati;
• ishlarni bajarish bo‘yicha kalendar reja (bosqichlar va muddatlar);
• loyiha jamoasi tarkibi, rollar taqsimoti hamda tegishli tajriba;
• sug‘urta polisi nusxasi (konsalting tashkilotlari uchun).

3. Malakaviy talablar

Tanlovda TT loyihasida belgilangan malakaviy talablarga javob beradigan ijrochilar, jumladan, tegishli mutaxassislar mavjudligi, tasdiqlangan tajriba va sertifikatlarga ega bo‘lgan nomzodlar ishtirok etishi mumkin.

4. Muddatlar

Tijorat takliflarini taqdim etish muddati: 2026-yil 10-mart.

5. Takliflarni topshirish tartibi

Tijorat takliflari elektron shaklda quyidagi elektron pochta manzillariga yuborilishi lozim:

• info@hududgaz.uz
• r.olimjonov@hududgaz.uz
• a.grigoryans@hududgaz.uz

Xat mavzusida quyidagini ko‘rsatishingiz so‘raladi:
“Tijorat taklifi — ISSB (IFRS S1/S2)”

Qo‘shimcha ma’lumot uchun:
📞 (77) 001-70-06
Transformatsiya loyiha ofisi bosh mutaxassisi — A. Grigoryans

Texnik topshiriq ilova qilinadi