Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Joriy yilgi kuz-qish mavsumiga tayyorgarlik doirasida “Hududgaz Farg‘ona” gaz ta’minoti filiali Markaziy dispetcherlik xizmati xodimlarining saf ko‘rigi o‘tkazildi.
Saf ko‘rigi davomida haydovchi va chilangarlarning xizmat intizomi, maxsus texnikalarning tayyorlik darajasi ko‘zdan kechirildi.
Shuningdek, favqulodda holatlarda to‘g‘ri harakatlanish tartibi, yong‘in sodir bo‘lganda xavfsizlik choralariga rioya qilish hamda birinchi tibbiy yordam ko‘rsatish bo‘yicha amaliy ko‘nikmalar sinovdan o‘tkazildi.
Mazkur mashg‘ulotlar xodimlarning mas’uliyatini oshirish, xizmatga tayyorgarligini mustahkamlash hamda kuz-qish mavsumida gaz ta’minoti tizimining barqaror ishlashini ta’minlashga xizmat qiladi.
