Yangiliklar

Farg‘ona shahrining “Ilg‘or” mahallasi, Farovon turmush ko‘chasida istiqomat qiluvchi aholi uchun quvonchli yangilik — hududda yangi gaz tarmoqlarini tortish ishlari jadal sur’atlarda olib borilmoqda.

✅ Umumiy 1300 metr uzunlikdagi yuqori bosimli gaz quvuri tortilayotgani natijasida aholiga tabiiy gaz yetkazib berish sifati va barqarorligi sezilarli darajada oshadi.

🔧 Loyiha doirasida:
▪️ mavjud quvurlar o‘zaro halqalashtirilib, bosim barqarorligi ta’minlanadi;
▪️ yangi yuqori bosimli gaz taqsimlash punkti (GRP) o‘rnatiladi;
▪️ 450 ta xonadon tabiiy gaz bilan barqaror ta’minlanadi.

🏗 Qurilish ishlari zamonaviy talablar asosida, sifatli materiallardan foydalanilgan holda olib borilmoqda. Barcha texnik jarayonlarda xavfsizlik qoidalariga qat’iy rioya etilmoqda.

💬 “Hududgaz Farg‘ona” GTF mas’ullari ta’kidlaganidek, ushbu ishlarning asosiy maqsadi — aholining qishki mavsumda uzluksiz va barqaror tabiiy gaz bilan ta’minlanishini kafolatlashdir.

📈 Loyihaning amalga oshirilishi nafaqat Farovon turmush ko‘chasida, balki unga tutash hududlarda ham gaz bosimini yaxshilaydi. Bu esa aholining turmush sharoitini yanada qulaylashtirish va xizmat ko‘rsatish tizimini takomillashtirishga xizmat qiladi.

📍 Farg‘ona shahri, “Ilg‘or” mahallasi
🗓 2025-yil oktyabr
“Hududgaz Farg‘ona” GTF Matbuot xizmati