Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Ma’lumki, gaz ta’minoti tizimida “mahallabay” ishlash tizimi yo‘lga qo‘yildi. “Mahallabay” ishlash tizimining afzalligi shundaki, iste’molchi endi sarson bo‘lmaydi, gaz bilan bog‘liq muammosi bo‘lsa, mahallasiga borib, hududga biriktirilgan gazchi ko‘magidan foydalanadi.
Xurshidbek Ibragimovga mahalla gazchisi sifatida Andijon tumanidagi “No‘xatak” va “Obi hayot” mahalla fuqarolari biriktirilgan. U mana shu ikkala MFY o‘ramidagi 1 670 nafar iste’molchiga tabiiy gaz hisobini yuritishda ko‘makchi bo‘lib ishlamoqda. Hozirda uning hududiga elektron gaz hisoblagichlardan 380 donasi muammoli bo‘lib, har kuni 20 tadan topshiriq asosida bartaraf etib kelmoqda. Shuningdek, har bir iste’molchi xonadoniga borganda tabiiy gazdan xavfsiz foydalanish va is gazidan ehtiyot bo‘lish choralarini ko‘rish bo‘yicha targ‘ibotlar olib bormoqda.
“...Mahalladagi har bir xonadonga tabiiy gazdan to‘g‘ri foydalanish, xavfsizlik qoidalariga rioya etish, zamonaviy energiya tejamkor gaz yondirgichlaridan foydalanish va boshqa zarur qoidalar bo‘yicha ogohlantirish berib kelyapmiz, - deydi mahalla gazchisi X.Ibragimov. - Shu bilan birga iste’molchilarning gaz bilan bog‘liq murojaatlarini o‘rganamiz, kamchiliklar aniqlanganda bartaraf etish choralarini ko‘ramiz...”
Mahalla gazchisi o‘z targ‘ibotlari vaqtida tabiiy gazdan to‘g‘ri foydalanishlik, qo‘lbola isitish anjomlari va rezina shlanglardan foydalanishning og‘ir oqibatlari haqida tushunchalar bermoqda. Shuningdek, isitish mavsumida gaz plitalari, qozonxonalar, kaminlar, pechlar va boshqa gaz jihozlarining xavfsiz ishlashi uchun uy xo‘jaliklaridagi dudbo‘ronlar va shamollatish tizimini tekshirish zarur va shartligi haqida ta’kidlanmoqda.
“Hududgaz Andijon” gaz ta’minoti filiali matbuot xizmati
